عن الحب اقول (موسوعه الكرنك )

داري على شمعتك تقيد

feriel كتب:

كلك على بعضك حلو

و الاحلى الخجل الي بعيونك
[url=https://alkarnak1000.own0.com/javascript:emoticonp('')][/url]

feriel كتب:

داري على شمعتك تقيد

وعدتكم انى ححكى لكم قصة حب تعايشت فيها مع صديقة رحمها الله والقصة دى انا مازلت بعتبرها هى الحب الحقيقى والمعنى الصحيح للحب معرفش ان كان اصحاب القصة استخلصو نفس المعانى اللى شعرت بها من خلال قصتهم والا ده معانى انا فقط اللى ببحث عنها !!!

مش عارفة ابدأ ازاى لان صورتها امامى الان وكأن الاحداث حدثت الأمس
طبعا انتم عارفين انى خريجة كلية نظرية واصحاب الكليات دى بتبقى فاضية طول السنة وماعندهاش الا الرحلات والتهريج يعنى شباب عايش حياتة وانا كنت ناقمة على الكلية دى وكنت نادر مابدخلها الا ايام المراجعة والامتحانات ومرت اول سنة علية وانا ماعرفش حد والا حابه اسلوب التعارف والعلاقات اللى بين كل فتى وفتاه .المهم فى بداية السنة الثانية تعرفت على زميلة لى كانت صعيدية زيى ومن نفس محافظتى وظروفها قريبة منى جدا وبدأت تتكون بنا علاقة طيبة حتى مع أهلها فى البيت لان النظام عندنا فى الصعيد قبل ماتدخل بيت احد لازم يكون الاهل يعرفوا بعض .اصبحت لها من الصديقات المقربات وفتحت قلبها لى وحكت لى على ارتباطها بشاب اكبر منها بسنتين وانها مرتبطة عاطفيا بها من اول سنة دراسية فى الجامعة وبصراحة قلت لها اوعى تحبى بالشكل ده ادينا شايفين علاقان البنات بألاولاد شكلها ايه وسمعتهم زفت المهم قالت لى هو غير حب بيحبنى وانا بحبه وحاولت تقنعى وبالفعل اتعرفت عليه كان شاب ماشاء الله عليه مثقف ووسيم وعاقل فى تصرفاتة عكس عالم الشباب اللى كان حوالينا لاحظت حبه الشديد لها وحبها هى ايضا له عمره ما طلب منها اشياء تخرج عن المألوف كان كلامهم صمت كل واحد بيكن للاخر حب محتفظ به فى قلبه كان دائما مهتم بها وبكل اشياءها احيانا كان يحضر معنا المحاضرة علشان لو هى تعبانة ينقلها لها كان يشترى كل المذكرات دائم البحث عن راحتها وهى دايما كانت تحافظ عليه واحيانا كانت تحضر له اكلات معينة بيحبها كان جو جميل خالى من خيانة طرف لاخر والكل كانوا عارفين النهاية مصحوبة بالزواج والولد كان ميسور الخال يعنى مش حيتعب او حترتبط به سنين لغاية مايكون نفسة وولده كان فى بلد عربى وكان حيصحبه للعمل هناك يعنى مافهوش اى عيب .
للاسف الحلو عمرة مايكمل البنت كانت جميلة وكان العرسان على الباب وطبعا فيهم اللى احسن من حبيبها وطبعا الاهل بتفكيرهم لاقت العريس المناسب متقدم وقررت اسرتها خطوبتها على عريس الشؤم استغفر الله العظيم حاولت البنت بكل الطرق ولكن تعند الاهل فى بعض الاحيان فرض قرارات غير رحيمة لمجرد الاحساس بالاطمئان لوجود المادة , حاولت انا مع ولادتها وكلمتها وعلى فكرة طردتنى من البيت ساعتها بس حاولت جاهدة انا وكل الناس اللى بتحبها وبتحب الشاب المرتبطة به ولكن بدون فائدة , العجيب فى القصة ان حبيبها طلب منها انها لا تعترض رأى اسرتها وطلبها منها وهو يبكى بدل الدموع دم اد ايه شعرت لاحظتها بنبل اخلاقة واصلة والبنت سمعت كلامة ونفذت طلب اسرتها وتزوجت الفتاة وهى فى السنة الرابعة وسافر الشاب لولده علشان يعمل وينسى القصة الفشلة اللى مرت به وتأتى احداث لايصدقها العقل بعد شهر من الزواج تموت الصديقة حزن على حالها وحال حبيبها وتنهار الام على فراق ابنتها لشعورها بسبب الحالة التى وصلت بأبنتها وتتلقى الكلية الخبر بمنتهى الحزن على زميلتهم الرقيقة والجميلة ويسمع بالخبر حبيبها بالبلد العربى ويلقى حتفة بعد اسبوع من وفاة حبيبتة اثر انقلاب سيارتة بالطريق احداث مرت عليها 14 سنه من عمرى وكأنها امامى الان تعقدت فعلا ان اى شئ جميل لازم نهايتة محزنة ومؤلمة كان نفسى اعيش قصة جميلة زيها بس الحب كان سبب فى النهاية المحزنة صدقونى فى حاجات كتير مخزونة بداخلى بتخلينى احذر من الاقتراب مش عايزة حد يلومنى فعلا

وليه انت خايفة من الحب
كل دي اقدار
الحب مش دايما برهانه الزواج يا عزيزتي
ولا مكنش حد غلب
نحن نريد و الله يفعل ما يريد

يا سلام على الكلام الحلو
الي شفته قبل ما تشوفك عني
عمر ضايع يحسبوه الزاي علي

انتى خلتينى عاليا اعيش معكى

حكايه صديقتك واتاثر بها

وابكى من اجلها

بس نرجع ونقول كل شىء قسمه ونصيب

وسمحوا لى بنقل هذه الكلمات

فراشه الليل كتب:

انتى خلتينى عاليا اعيش معكى

حكايه صديقتك واتاثر بها

وابكى من اجلها

بس نرجع ونقول كل شىء قسمه ونصيب

وسمحوا لى بنقل هذه الكلمات

انت الروح لجسدي..وحبي وحبيبي..
انت حلم حياتي واملي وامنيتي...
انت النور لعيني وعقلي وملهمي..
انت نبضات قلبي وهمس شفتي...
انت الحب الوحيد وفرحتي..
انت وطني وكل اهلي في غربتي...
اتمنى انا تكون نهاية رحلتي بين ذراعيك..
وحبك القيد لحريتي..فمن اجل عينيك
احببت قيدك
ووهبت لك كل مااملك..
وحلمي ان لايبعدني عنك شيء سوى الموت...
فأنت امسي ويومي وغدي ودنيتي
في عينيك رأيت على الأرض جنتي
عشت دائما احلم بك بطل قصتي
قد عشقت فيك رجولتك
وازداد شوقي وحبي لك
انت شاطئ احلامي..عيناك منارتي
انت ابيات شعري..وعنوان قصيدتي
مالي ومالك يافراق ...ابدا رحيلا وانطلاق
يانفس موتي بعدهم...فكذا يكون الاشتياق

انتى برضة خلتينى اتعايش مع الكلمات الرائعة يافراشة
الحب الروحى احلى واعلى واقيم انواع الحب
الحب البعيد عن الشهوات او النزوات هو الحب المستمر واللى ببحث عنه واحيانا اشعر به واحيانا بخاف انه ينعكس بصور اخرى ليس من حقنا تعايشها بس ياترى ممكن بستمر النوع ده من الحب والا نهايته الفشل هو ايضا سؤال محيرة وليس له اجابة ؟

feriel كتب:

وليه انت خايفة من الحب
كل دي اقدار
الحب مش دايما برهانه الزواج يا عزيزتي
ولا مكنش حد غلب
نحن نريد و الله يفعل ما يريد

اسمحى لى اختلف معاكى فى وجهة نظرك عن الحب ودراجات تصاعدة فى حياتك
الحب دائما بيبدأ بنظره ويليها اعجاب ويبدأ يمر بك بمراحل مختلفة من تبديل فى شعورك ونظام حياتك وطريقة تفكيرك والجميل ان كل طرف بيتأثر بالطرف الاخر وكأنهم اتحدو فى شخصية واحدة بتأتى من خلال العلاقة العاطفية بين الطرفين تغيرات واسفة فى التعبير انا بتتكون شحونات عاطفية بتتحول لشهوانيه عند الوصول الى اعلى ذروة فى الحب ولابد من تفريغها جسديا وهنا مربط الفرس عملية التفريغ لاتتم الا بالشكل الصحيح اللى لايرفضة دين او تقاليد ولابد انه يكون بشكل علاقة رسمية وهى الزواج وللاسف بعد تفريغ الشحنة بيبدأ الحب يأخذ منحنى التراجع علشان كدة الحب بعد فترة قصيرة بينتهى بالنسبة للمتزوجين بس الحب لازم نهايتة تكون متوجة بالشكل الصحيح والا بيعتبر علاقات عابرة واصحاب تلك العلاقات تسمى بالعلاقات الغير مشروعة وفى الدين اسمهم يندرج تحت مسمى (الزنا) اسفة فى استخدام تعبيرات شديدة بس صدقينى الحب اتظلم كتير من افعال الناس تحت غطاءه!!!

انا عايزة اقولكم انى بحب الحب لان الحب شئ اجمل من ان يوصف بس الحب الصح كتير بنشوف وبنسمع افعال مشينة مندرجة تحت ستار الحب
تعالو شوفوا الحب استخدم ازاى بين الناس
بنت ممكن ترتبط بشاب وتحبه لمجرد انها تتسلى به وفى نفس الوقت تبحث عن الرجل الذى يوفى لها بكل ماتحتاجة من مادة وتتركة عندما تجد الغنى الذى يوفر لها حياه كريمة والغريب بتكون زوجة ناجحة وصاحبة سلطة وشخصية على زوجها بس ذنبه ايه الشخص اللى حبها وحلم معها بالحلم الجميل قصة واقعية حدثت ايضا فى حياتى الجامعية وكانت نهاية الشاب ترك دراستة واصيب بحالة نفسية .
حالة تانية معاكسة بنت حبت شاب وحبها بس كان هو غرضة اللعب بها وشعورة انه قادر على امتلاكها وفى النهاية عندما طلبت منه الارتباط قالها احبك اه اجوزك لا انت كنتى ماشية معايا شخص زى ده كتير منه موجود فى حياتنا.
حالات كتير زى الزواج العرفى بين الشباب اللى نهايتة كلنا عارفنها بيتم تحت شعار الحب والحب بعيد عنه كل البعد لان كان لمجرد لعلاقة حقيرة حب اصحابها يجملوها فى شكل الحلال .
حالات كتير زى جواز الدم وجوز القرف حاجة تقرف وفى الاخر اصل احنا بنحب بعض حرام الحب يتظلم بالشكل المؤسف وبالافعال المحرمة المرفوضة فى دينا وعاداتنا !!!

فراشه الليل كتب:

انت الروح لجسدي..وحبي وحبيبي..
انت حلم حياتي واملي وامنيتي...
انت النور لعيني وعقلي وملهمي..
انت نبضات قلبي وهمس شفتي...
انت الحب الوحيد وفرحتي..
انت وطني وكل اهلي في غربتي...
اتمنى انا تكون نهاية رحلتي بين ذراعيك..
وحبك القيد لحريتي..فمن اجل عينيك
احببت قيدك
ووهبت لك كل مااملك..
وحلمي ان لايبعدني عنك شيء سوى الموت...
فأنت امسي ويومي وغدي ودنيتي
في عينيك رأيت على الأرض جنتي
عشت دائما احلم بك بطل قصتي
قد عشقت فيك رجولتك
وازداد شوقي وحبي لك
انت شاطئ احلامي..عيناك منارتي
انت ابيات شعري..وعنوان قصيدتي
مالي ومالك يافراق ...ابدا رحيلا وانطلاق
يانفس موتي بعدهم...فكذا يكون الاشتياق

حبيبتى دعينى اعترف بحبى الشديد لكى
فأنا لااعلم كيف او متى احببتكى
فدعينى احبك كماانتى بطريقتى
واحبنى كما تعودتى على محبتى
مادام الحب هو المعنى الصحيح لارتباطى بك

حبيبتى لاتخافى لن اترك لظلام الليل
ولا اترك للذئاب ينهشون بكى
وكفى بكاء لااحب الدموع بعينيكى
تركتك برهة قصيرة لآعود محملة بالحطب
لآشعل النيران فى اجسادهم وماعدت اخاف من اصواتهم
فأنا فداكى وكلى لك وسأحرابهم بطريقتى
هيا عودى لسابق عهدك وقفى ولاتخافى فأنا دائما حولكى
تعالى ارتمى فى احضانى امسح لك دموعك واهدءئى
وامسكى بيدى ولنرحل من الدروب المظلمة وادخلك مدينتى
فيها تكونى ابنتى واختى وحبيبتى سأروى لك القصص بالمساء
وسأمنحك كل مساء احضانى وقبلتى

feriel كتب:

احنا منبع الحب و الحنان
و انتم ايه...........


تسلط وغدر
القصة دي عن الحب ايام زمان
انتم فين و الحب فين
تعرف انا ضحكت لما شفت ختام تعليقك
قلي ليه.....
لانها اجمل الصور عندكم
ما فيش حتى وردة
يا ........... قوي

اهلا بحضرتك
الله يكرمك يارب

اهدى شويه احنا غلابه لكم

تحياتى
مع خالص شكرى وتمنياتى بالتوفيق

هههههههههههههه
اده شايفة ناس بتتخانق وبتضرب هنا وكمان شوم صعيدى ربنا يستر

بص ياماجد مافيش حد غلبان فى الزمن ده لا الراجل والا الست فعلا النفوس اتغيرت وحصل فيها شروخ
يمكن لتقليد الغير او التكنولوجيا او الظروف الاقتصادية حاجات كتير غيرت البشر
وكله انعكس عن مفهوم العلاقة بين الرجل والمرأة وكل واحد بينظر له بمفهوم غير ماكان موجود ايام اجدادنا ومفهوم الحب الحقيقى الخالى من المركبات الاخرى شبه منعدم حاليا وبقى اسمه الحب الطيارى او تيك اوى زى الواجبات السريعة اياترى ممكن الواحد يحب كام مرة فى حياتة ياترى بتشبعه علاقة واحدة عاطفيا وتكون واجبة دسمة تمده بالطاقة والحرارة والا كل يوم بيجدد من العلاقات لاشباعة مؤقتا ويحتاج لنوع جديد وياترى بتحقق له درجة الاشباع والا برضة بيشعر بالجوع العاطفى!!!!

هم مش بيسموه عصر الساندويتشات
لكن مش في الحب حرام عليكم