كرسى الاعتراف !!!!!!

همس القيثارة كتب:

بنوتي الصغيرة وعروسة السفر

انا مكنتش عايز اكلف عاليا بس لو هتقولوا بخيل لا مش بحب حد يشكك في كرمي يا ستي خليها تعمل الوليمممممممة دي مش مشكلة


وبالنسبة لايطاليا لا يا ستي مش تخافي انا مش باخد بنات الناس اغلبهم معايا يعني لو السفر مش مستريح انا مش اتعبك معايا ابدا هو انا وخدك اعيش ولا اقضي عليكي

وبعدين لازم تقولي لبابا ولماما كمان واخواتك علشان مش يقلقوا عليكي

بس انا زي ما قولت ان انا انسان عايز حد يعيش معايا يفهمني يا بشوشة ، وده صعب اوي بس كفاية ان انا اسافر مع القمر

اولا شكرا ليك يا همس وان عارفه انك مش بخيل وانك كريم
ومتخفشى انا مش حكلغك ولا حغرمك كتير و انا مبحبش التبذير ولو طلبت سندوتشات نقضوها سندوتشات ولا يهمك جيب السبع عمران
ههههههههههههههه
ومتخفشى برضوا انا فهماك كويس وكانك كتاب مفتوح بالنسبالى حاليا
وربنا يوفقك وتلاقى اللى انت عايزها ومن غير خياط وتلاقيها جاهزه مش تفصيل
وتوصل باذن الله لكل اللى انت عايزه ان شاء الله
ومتنساشى تاكل كويس والا حسافر انا واسيبك
ههههههههههههههه

ياهمس مش عايزاك تزعل كدة يارب حتى عيش ودوقه والا يهمك الايام دى ماسورة المجارى ضربت فى البيت والانبوبه جازها مسرب وحصلت حرايق قضت على كل التجديات اللى دخلتها على مملكتى ورجعت ملطخة بالهباب والسواد بسبب اهمال انسان اشعل سيجار ورمها على الارض من غير حتى ما يطفيها فى شويه ميه او يدوس عليها فى الطفاية علشان كدة العزومة حتكون صعبة انى انفدها دلوقتى, تعرف انا بكتب دلوقتى وانا فى كامل الدمار المحيط بى شفت عقب سيجار سبب ايه فى لحطه

طمنينى عليكى عاليا وعلى اسرتك

ويار ب تكونوا بخير جميعا

ويا قمر لما ترجعى مصر اعملك اجمل عزومه

دعائى لكى بالستر والصحه

اختي عاليا اولا حمد لله علي سلامتك انتي واسرتك وفداكي انتي وهم

واذا كان علي العزومة مش تنعي هم انا اعملها لك مش مشكلة
وتبقي العزومة عليا انا المرة دي

وانا بوافقك الراي البطيخ الايام دي مغشوش هو زي ما ربنا يريد

وانا بقي عندي فكرة مجنونة انا اعمل اعلان في المنتدي هنا واشوف عروسة وهعتمد عليكي انتي تنقيلي بقي

ايه رايك مش اخوكي مجنون


المهم سيبك مني انا المهم خدي بالك انتي من جوزك وولادك وارجعي بقي نضفي البيت وروقيه واعملي كمان تجديدات احسن من الاولانية ولا اقولك بلاش علشان الحسد هههههههههههههههههه انتي شكلك محسوده

اختي الجميلة البشوشة

يا سلام عليكي مستعدة تقضيها سندوتشات وتدفعي كمان ده انا عمري ما هلاقي حد يعمل كده كويس بتوفريلي ده ايه الجمال ده

لا يا ستي خلي الفلوس معاكي السفر كله عليا بالانتقال والتكاليف والاقامة وبوكيت ماني كمان


وانا اقترحت علي عاليا ان العزومة كمان تكون عندي يالا يا ستي ايه رايك بقي في التبذير بقي مع اني زيك مش بحب التبذير لكن يالا مش مشكلة علشان خاطر عيونك انتي وعاليا
ولكل الاخوان في المنتدي

اخواتى الاحباء بشوشة وفراشة
متشكرة لكم على شعوركم النبيل ومش عايزة اوصف لكم الدمار اللى تركه الحريق سبب لى جروح اد ايه والحمدلله ان اولادى كانت بعيدة عن مكان الحادث لانه مكان خاص بى وبمقتنياتى لوحدى وطول عمرى قافلة علية بقفل لغاية مادخل بيتنا مهندس وشاف المكان ونصحنى انى اجدده وافتح كل نوافذة لانها حضيف لباقى المكان نور وسمعت كلامة وسلمت له مفتاح المكان فى الحقيقة شغله كان يبهر اى انسان مهندش شاطر وفاهم شغلة كويس هد جدران كان عائق ومظلم لمرور الضوء والالوانه كلها كانت مبهجة فرحت كتير لما شفت النور بدء يمر امامىة بس يافرحة ماتمت اتعابه كانت كتيرة واللى باقى معايا هو اللى يسترنى اعتذرت له وكان الانتقام هو لعبتة استخسر الفرحة المرسومة فى عينى وقرر يهدم كل شئ صنعه زى مابناه الحريق كان بفعل فاعل للأسف وكان المهندس هو السبب ترك سيجارة المشتعل وسط مقتنياتى واغلق الباب والمفتاح معه واتحرق كل شئ كل شئ ادمر بسببه ولكن حقول ايه ربنا يعطيه على اد عمله
بس بوعدكم انكم لازم تشرفونى انتم وجميع افراد المنتدى واسرهم زيارتى فى مصر وخاصة علشات تتعرفو على الصعايدة بشكل اوضح عن التيلفزيون بس مش قبل جروحى كلها مااشفى منها علشان اقدم لكم كل اللى ترغبو فيه وعلى الاقل مايكنش منظرى مقذذ لكم وتشرفونى بدون ماارأى نظرة شفقه فى عيون احد

عزب2 كتب:

عموما يا ملاك بعد اذن اخواتى جميعا بالمنتدى افك اسرك من الكرسى
مش كده وبس ده انا كمان مرشح ليكم واحد يقعد على الكرسى
ومش عاوز اوصيكم عليه عشان ده غالى علينا قوووووى
ارشح ليكم حبيب قلبى الاخ صالح حجاج هيييييييييييييييه
يلا بقى عاوز اشوف دم ههههههههههه
معلش ياصالح كنت راجل طيب يلا بقى كلنا لها
تحياتى وتقديرى ليكم جميعا
يلا ياملاك طيرى بقى

شكرا لك ياعزب على سرعة الرد انا كنت بحسب ان الطلب لسه حيأخذ لفة كبيرة لغاية مايأخذ كافة التأشيرات ماكنتش احسب ان المنتدى خالى من الروتين والتعقيدات زى مابشوف حواليه
واضح انت الامر النهائى وصاحب القرار ووحدك من تملك القلم للتوقيع
على العموم انا بشكرك اوى على حاجتين
الاولى بفك الاسر والسرعة فى تطبيق الطلب
والثانية أنك بتأمرنى بأخلاء المكان والمطالبة بالطيران دون النظر لمعرفة اذا كانت قيودى المكللة بها لها أثر على قدرتى للطيران ام لا
على العموم شكرا على حسن تعاونكم وان شاء الله يمنحى الله القوه على الطير حتى ولو سقطت بعدها
طول عمرك صاحب واجب معايا وربنا يقوينى على رد الجميل
متنساش قبل مااطير فى امانة عايزاك توصلها لقريبك الاستاذ ماجد تشكره على حسن استقباله الفترة السابقة وتنصحه ان يرجع لقواعده سالما مافيش قيود تفرض عليه الان تمنعة من العودة لبيته وكمان سلامى للأستاذ صالح وخيرا من اخترت ان يحل محلى على الكرسى واكيد سلام خاص لحضرتك وبالتوفيق للجميع

همس القيثارة كتب:

اختي عاليا اولا حمد لله علي سلامتك انتي واسرتك وفداكي انتي وهم

واذا كان علي العزومة مش تنعي هم انا اعملها لك مش مشكلة
وتبقي العزومة عليا انا المرة دي

وانا بوافقك الراي البطيخ الايام دي مغشوش هو زي ما ربنا يريد

وانا بقي عندي فكرة مجنونة انا اعمل اعلان في المنتدي هنا واشوف عروسة وهعتمد عليكي انتي تنقيلي بقي

ايه رايك مش اخوكي مجنون


المهم سيبك مني انا المهم خدي بالك انتي من جوزك وولادك وارجعي بقي نضفي البيت وروقيه واعملي كمان تجديدات احسن من الاولانية ولا اقولك بلاش علشان الحسد هههههههههههههههههه انتي شكلك محسوده

للأسف مافيش حد فى المنتدى ينفع تكون زوجة لك الا بشوشة على حد علمى هى بنت فراشة وولدها الاستاذ أدمين صاحب البيت قصدى المنتدى فياريت بدون اعلانات اطلبها رسمى من ولدها ولو لك نصيب اكيد ربنا حيقرب مش حيبعد بنكم
اما عن بيتى متقلقش عليه انا بيتى نظيف اوى طول عمرة واللى قالك غير كدة يبقى منافق وحشرة ولاتستمع له اما اولادى هما اللى لى فى الدنيا ولو اقولك انهم فى عنية مش حتصدق لان عايشة علشانهم وبس واى شئ تاتى لااهميه له فى حياتى.
على العموم انا بكرر دعوتى للعزومة ولكن بمصر علشان الاسر كلها تشرف وتنور ومش حقبل حد يجى من غير مايجيب زوجته او زوجها والعيال كمان ماهى عزومة وخراب ديار هههههه
وحأكلك اللى عمرك ماأكلته والا حتكله فى مكان تانى (حأكلك حتة علقة) هههههه هزار بس ان شاء الله ربنا يسهل وتشرفونى بجد

البشوشه كتب:

اهلا بالاستاذ عذب2
دايما انت كده تظهر تعطى الاسفين وتختفى تانى
ههههههههههههههه
ولا ايه الحنيه دى عايز تطير عاليا من على الكرسى
مااااااااااااشى
وكمان تبيع صحبك الاستاذ صالح وتقعدو هو على الكلاسى ونعمه الصحوبيه
انا بهدى النفوس بس
هههههههههههههههههه
هو احنا نطول الاستاذ المبادىء وصاحب الخلق الرفيع الاستاذ صالح يجلس على الكرسى
انا كمان برشحوا ربنا معاه
وربنا يستر

اهلا بيك استاذ صالح على الكرسى

وربنا يقويك

واشكر استاذ عزب لاختياره استاذ فاضل مثلك

اختي عاليا

والعزومة يا ستي مش تستعجلي عليها اكيد في يوم من الايام هنتجمع كلنا ويبقي ملتقي الاحبة في الله

ايه ياجماعه الكلام ده

مين قالك ان البشوشه بنت الادمن ليه كده الكلام ده مش صحيح

وبعدين ماينفعش كده الكلام ده ممكن يعمل مشاكل كتيره وللاخت فراشه الليل
لا يصح ماحدث منكى ياملاك
لان هذه المواضيع حساسه للغايه حتى ولو كانت هزار ماينفعش
انا بقول الكلام ده لان فيه ناس كتير الموضوع ده زعلهم جدا لانه فعلا كلام ليس بحقيقى وزج فيه بااسماء
ممكن تعمل لنا مشاكل كثيره
فانتم لاتعرفون البشوشه الى اى عائله تنتمى بجد الكلام ده لو حد من عائلتها اخد بيه خبر كانت حصلت مشاكل لاقبل لنا بها وربنا يستر فعلا وميكنش حد من عائلتها او والدها شاف الموضوع
ارجو من الاخوه مراعاة مثل هذه الامور ولانأخذها ماده للهزار والضحك
وربنا يستر

همس القيثارة كتب:

اختي عاليا

والعزومة يا ستي مش تستعجلي عليها اكيد في يوم من الايام هنتجمع كلنا ويبقي ملتقي الاحبة في الله

اذا شاء الرحمن وكله بأمر الله
ان كان لنا عمر فى الدنيا وربنا يجمعنا فى المسرات