صفحة من مذكرات الطفولة

بسم الله الرحمن الرحيم
الاخوه الاعزاء اعضاء منتدى الكرنك بقدم لكم فكرة جديدة ويارب تنال اعجابكم جميعا وهى ان نتذكر حدث او حكاية مرت علينا واحنا اطفال وكان الحدث ده له دور كبير فى حياتنا ومازلنا نتذكره بكل تفاصيله
طبعا كلنا كنا اطفال وكل واحد له اكتر من حكاية بطلب من جميع الاعضاء المشاركة الفعالة على الاقل نعيش معه لحظة من مراحل عمرة والموضوع غير محدد بفترة زمنية معينة او قصة واحدة يعنى العضو يحكى لنا اكثر من موقف حدث له فى طفولتة والاعضاء كمان لهم الحق فى التعليق على تلك الاحداث بعيد عن النقض الجارح[center]

حبدء انا الحكاية علشان اشجع باقى الناس اللى هنا
حكايتى كانت وانا عمرى 7 او 8 سنوات كنت محبة جدا لفن الباليه وكنت دائما اتباع برنامج فن الباليه اللى بتقدمة منى جبر وزوجها عبد المنعم كامل وفى يوم طلبت من ولدتى انى عايزة اطلع راقصة باليه وانى عايزة اتعلم الحركات بشكل جيد طبعا سمعت كلام بلاش اقوله بس كلامى كان مرفوض الحديث فيه وذهبت لولدى لانه ماكنش بيرفض لى طلب وطلبت منه وقالى نفس الكلام ازاى بنت من مجتمع الصعيد بعادتة وتقاليدة تطلع منة راقصة وطبعا لصغر سنى مش فاهمة معنى الكلام بس انا كنت بحبة علشان فى حريه فى الحركة بتكون زى الفراشة مش بتمشى على رجلك زى باقى الناس المهم انا اخذت كلهم بمنتهى الغضب واعتبرتة انه تعند فى اراءهم وقررت اعلم نفسى كل شئ كل حركة كنت اشوفها كنت اتقن الحركة وادرب نفسى عليها فى غرفتى من غير ماحد يشوفنى طبعا وطبعا كانت كل تدريباتى لنفسى مصحوبة بألم شديد فى قدمى لان وخذها عند من غير علم وايام كتير ماكنتش بعرف اقف على قدمى من شدة الالم بس كنت بحاول لغاية فعلا ماقدرت اقف على اطراف اصابعى واتحرك عليها من غير الم او وقوع على الارض وقبل عيد ميلادى بأيام سألنى ولدى على الهديه اللى عايزها طلبت منه فستان قصير وله جيبوناه يعنى زى فستان البلرينا وطبعا ماكنش عارف ليه السبب وجاب لى الفستان وكان لونة لبنى او ازرق فاتح وطبعا انا كنت منتظره اشترى الحذاء الخاص لاتمام ملابس البلرينا وكنت بحوش من مصروفى علشان اجبها من غير ماحد يشعر وطلبت من ولدة صديقة لى شراءها وفعلا احضرتها لى وكانت المفاجأة يوم عيد ميلادى وبعد ما انا واصحابى واخواتى طفينا الشمع قررت ارتدى الحذاء واقدم لهم عرض لوحدى لرقصة من رقصات اللى تعلمتها وكنت مسجلة موسيقة بحيرة البجع وقدمت عرضى اما الجميع الغريب ان الكل صفق لى وولدى احتضنى وشاهدت الفرح داخل عيونة والاغرب انى لما كررت عليه الطلب رفض الكلام مرة تانى فية

ومن هنا عرفت ان هناك قيود وتقاليد وعادات بتمنع الانسان ان يحيى كما يريد ولكن ممكن تحققها انت بنفسك لاسعاد نفسك و ولاثبات انك نلت ماترغبة بدون كسر العادات والعرف

ومازالت لغاية دلوقتى لما اشعر ببعض الاحباط استمع للموسيقى وااعيش دور البلرينا واطير على الهواء دون ملامسة للارض تحتى
حقدم لكم موسيقى تشايكوفسكى (بحيرة البجع) اللى كانت اول مرة اقدم فيها عرضى امام اقرب الناس لى وكانت برضة اخر مرة




https://www.youtube.com/watch?v=1ea90L91eZk&feature=related

صالح حجاج كتب:

بسم الله الرحمن الرحيم
السلام عليكم ورحمة الله وبركاته
أختى الفاضلة عاليا
جزاكى الله خيرا على هذا الموضوع الجميل وتلك الفكرة المفيدة التى ستذكرنا بأيام قد مرت من حياتنا لطالما تمنينا أن تعود تلك الأيام مرارا وتكررا ولكن هيهات هيهات...وكذلك ان نأخذ من هذه القصص التى سوف يسردها أخواننا وأخواتنا أعضاء المنتدى العبر والعظات من تلك المواقف التى ربما قد تتكرر مع أبناؤنا ....
وأشكر لكى أيضا شجاعتك التى عوديتنا عليها دائما بأنكى تكونى أول المشاركين والمنفذين للموضوع ...
وأخيرا أستشف من هذه القصة أو تلك الحدث الذى مر بكى أمرين ...
أولهم : مقدار الحب الذى كان بداخل والدك - رحمة الله تعالى - لكى وكذلك كم كان هو محافظا فى بيته وعلى أسرته بالرغم من علمه بأمور الدنيا وتقدمها وتنفيذ طلبك باحضار الفستان الذى طلبتيه فى مناسبة عيد ميلادك بالرغم انه ربما كان يعلم أن الفستان خاص برقصات الباليه ..
ثانيا : مدى اصرارك وتصميمك على أن تتعلمى شيئا بنفسك بالرغم من معارضة الآخرين لكى ..!!؟
أخيرا : من خلال تلك القصة هناك سؤال يفرض نفسه ؟؟
ترى لو طلبت منكى بنتك اليوم نفس الطلب بأنها تريد ان تتعلم رقص الباليه ؟؟ماذا ستكون اجابتك ؟؟
ولى عودة فى سرد قصة أو حدث مر بى فى طفولتى
أشكر لكى سعة صدرك
خالص ودى واحترامى

قبل كل شئ انا بشكر حضرتك على مرورك والتعليق بمنتهى الاحساس الرفيع وده ماتعودته من اخ عزيز مثلك
ورد اكيد على سؤال حضرتك بخصوص ابنتى وتعلمها البالية اولا حيكون رأيى مماثل لولدى ويمكن اكتر رافضا لان الزمن على ايامى كان اخلاقيا افضل من تلك الايام ثانيا ميول ابنتى تختلف عنى تماما ولو حبت تتعلم شئ حيكون تعلمها للمصارعة الحرة والله مش بنت خالص هههههه
منتظرة شقاوة طفولتك انت وباقى الاعضاء
خالص شكرى ومودتى

Admin كتب:

رغم الوجع.. بقصتك


لبلوغ هدفك

مازالتى فراشتك قادرة على الرقص..

برغم الحزن تغنى ويسمع الكون خفقات قلبك

كلمات تسكن فينا بعمق

وتستشف ما وراء الجرح بهدووء

دمتى .فراشه. ودام حروفك انيقا

اعذب الكلمات لطفولتك.. الجميله

ولنا عوده وربنا يستر

ولاكن بعد الباشا صالح

اولا بشكرك على كلامك الجميل والصورة الاجمل
اكيد طبعا انا مش زى ماانا والا بعيش دفئ وحنان المرحلة دى بس عمرى مافكرت انهى طفولتى لانها هى اللى بتمدنى بالقوة للتعايش مع شبابى وحتى فى كهولتى ان كان لى عمر لها من غيرها بكون معدومة الاحساس والمشاعر
مش قلت لك ممكن ترجع للطفولة وتعايشها فى اى لحظة اذا تمنتها

يلا بقى عايزة زكرياتكم الجميلة خلينا نعيشها سوا

عماد الحلوانى كتب:

طفوله جميله كانت لى والحمد لله
ولاكن كنت اذكر ان فى يوم من الايام
كنت وانا راجع من المدرسه
ولعبت كوره ووقعت فتمزق بنطلونى من عند ركبتى
وطبعا اتاخرت عن ميعاد رجوعى للبيت
وكانوا قد لفوا الشوارع لغيابى
افتكر
افتكر كويس اوى اوى
افتكر انى اكلت علقه جعلتى شبعان لغايه دلوقتى
اكلتها لوحدى
ياااااااااااااااااااااااااااه
كانت جميله بس حراقه اوى اوى
هههههههههههههه

هههههههههههههههه
علقة تفوت والا حد يموت كلنا يااما شبعنا منها عادى مش لوحدك
بس ياترى ضربك كان علشان التأخير والا علشان لعب الكرة فى الشارع وقطعن البنطلون
اكيد طبعا علشان التأخير واكيد العلقة علشان خوفهم عليك مش اكتر وانت لما ربنا يكرمك بأولاد وتتأخر عن رجوع البيت حيكون رد فعلك زيهم بالضبط وتفتكر عملتك
شكرا ياعماد على صفحتك الجميلة وبتقفش عليها لو فى اى حاجة كدة تانى قولها احنا حنعمل مجلدات

فراشه الليل كتب:

اجمل ايام حياتى هى طفلتى

لان كلها نقاء وصفاء ولم يكون فى تحمل للمسئوليه

فا عاليا كنت طفله هادئه جدا


وسوف احكى لكى فيما بعد

ولكنى احب ان اهنيكى

على الموضوع الجميل

اولا احب اقوللك انتى شكلك هادى فعلا من اسلوبك فى التعامل معنا بالمنتدى وشكلك خجولة كمان ههههه
انا بشكرك على التهنئة ومنتظرة حكايات مش حكاية عن طفولتك اكيد حتكون جميلة بلاش تأخير

محمد على كتب:

شوفوا انا تعبت فى التفكير
اصل انا عندى بلاوى
موش عارف اقول ايه ولا ايه
مره كنت بغيب من الدرس وكل ما ارجع البيت يقولوا لى انتى موش حتكتب الواجب
اقولهم كتبته عن المدرس
وفى يوم لم يطلع له شمس
قلت كده لوالدى
وضرب الجرس
ووالدى قالى روح افتح
ولم اتوقع
المدرس وصل وقالى مالك يا محمد
موش قدرت ارد
والدى خلفى
اهلا
قال المدرس سلامه محمد
والدى قال له ماله
قال له بقى له 5 ايام موش بيحضر
زميله قالى تعبان
وخرج المدرس
وروحى كمان خرجت معاه
هههههههههههه
لا كفايه اصل روحى لسه مرجعتش من الضرب
ههههههههههههههه
كفايه
الضرب فى الميت حرام
مش مفيش روح يبقى ميت
الله يرحم الجميع
منك لله قلبتى المواجع

ايوه كدة احب الناس اللى طفولتها متشردة زيى ههههههههههههه
كنت بتروح فين يامحمد اعترف وكمل للاخر
بعد الشر عليك روحك جميلة وموجودة وسطنا ويارب دايما وكلنا ياامااخذنا على دمغنا
عندك بلاوى كتير عايزة اشوف كل بلاويك والا يهمك احنا مش بنضرب
نورت يامحمد ومنظرين كل ماعندك

[quote="Admin"][center]

اهلا بحضراتكم
طبعا كلنا حكايات
ولكل موقف حكايه
والجميل انك مهما مر السنين تتذكرها
حتى فى ايام الطفوله
الكل يعلم ان فى فصول التربيه انواع كثيره من الطلبه
منهم من يروقون لك ومنهم من تبتعد عنهم
فهم بالطبع ليسوا اصدقاء لك
ولاكن تجمعك معهم فصل واحد
الى هنا فطبيعى
اما الغير طبيعى ان يكون هناك طالب غلس
وطبيعى ان تبتعد عنه
ولاكن ان كنت فى رحله وهو ايضا فى تلك الرحله شىء ممل
فى يوم من اليام وانا اجمع اسماء الطلبه ان يوسف الطلب الغلس يطلب منى تدوين اسمه فى رحله
بصفتى رائد الفصل
وقتها زعلت جدا
لانه بطبعه غلس
دائم الغلاسه ليس معه اى نقود للصرف
يحب ان يأكل ويشرب ولاكن بثقاله
المهم
اخدت منه المصاريف
والكل غير مصدق
معقوله الواد ده بارد
ولاكن قلت لهم سوف اكتب اسمه ولاكن لن يسافر معنا
وكنت فى السنه الخامسه الابتدائى
وفعلا كتبت اسمه واعطيت الاستاذ جميع المصروفات بما فيهم نقود يوسف
وفعلا يوم الخميس الساعه السادسه صباحا لم يأتى يوسف وسافرنا بدون هذا الغلس
وتعجب الجميع كيف ؟
ياللعجب
الكل سألنى انت قلت وفلا يوسف لم يحضر
وكانت رحله جميله الضحك كله بسبب يوسف بدل من غلاسته
هنا تبدل الامر سعاده بدل من الغلاسه
والسبب انا
هل يعلم احد ماذا فعلت به
شىء غير وارد فى قاموس الاطفال
يعلم بالميعاد وباليوم
فكيف لم يأتى
تخيلوا
كان لوالدى صديق دائم الشكوى بالامساك
وكنت مع والدى وقال له صديق اخر عليك بعشب اسمه السلامكى
وقال له تاخذ منه شىء قليل للغايه ولا تأخذ كتيرا لانه يعمل لك اسهال رهيب
وعرفت مكانه عند العطار
وفى يوم الاربعاء اخذت مجموعه من السندوتشات
اداعب بها يوسف
ولاكن هناك ساندوتش فيه الماده الفتاكه
جعلته له فى وقت انصراف المدرسه
ونحن على الباب اعطيته اياه
وهو كفيل ان يبقيه فى الحمام 24 ساعه
ةيبقى يقابلنى بقى
ههههههههههههههه
لم ولن انسى يوسف ولا تلك الموقف
فهو يوم لم انساه

على فكره انا موش بحب الغلاسه
خلوا بالكم بقى



موضوع جميل معطر بورود الفل والياسمين
تحياتى
مع خالص شكرى وتمنياتى با] تعرف انها شقاوة تحمل فى مكنونها ذكاء بس اسمحى لى ومن غير زعل اقولك انها شريرة شوية يعنى افهم من كدة ادا حد ضيقك غلاستة اتحلص منه باى وسيلة وكل واحد حسب تفاوت غلاستة باة يعنى ممكن ندس السم فى الاكل لانسان بتعتبرة عبء فى حياتك هههههههه ياترى ياعبقرى بطبق اسلوبك ده والا بطلت يعنى انا مثلا احيانا بكون غلسة فى المنتدى معاك ومع غيرك وسيلتك للتخلص منى حتكون شكلها ايه حتكون الصمت برضة اقولك انا انا عندى دم قولها لى فى وشى وقول ماتدخليش المنتدى تانى وساعتها حتكون افضل من السكوت القاتل وعلى الاقل ابقى عرفت حقيقة شعورك بدل ما تعمل مقلب يكون جارح قصة جميلة يااح ماجد وبرضة لها معنى حكيم ان الانسان ما يتقلش على حد لان البعض بيفسره على اهنه غلاسة وترمى جته زى مابيقوله ياريت لو عندك حكايات تانى تقولها لنا لان طفولتك وجميع مراحل عمرك مليانه لنا بالعبر

الطيار كتب:

انتظرونى انا راجع
استر يارب

ايه حننتظر كتير
ولا لسه طاير فى السما

مش باين عليك يا ماجد هذه العمايل

feriel كتب:

مش باين عليك يا ماجد هذه العمايل

اهلا بحضرتك
الانسان مجموعه مراحل
ولكل مرحله لها طابع خاص ومفهوم مغاير
ولهذا بعد مرور الزم تتزكرى ما فعلتيه فنجدى نفسك غير مصدقه ما فعلتى
هذه كل الحكايه


مرور جميل معطر بورود الفل والياسمين
تحياتى
مع خالص شكرى وتمنياتى بالتوفيق

الطيار كتب:

انتظرونى انا راجع
استر يارب

صح فينك ياطيار هى السحابة البركانية معطلة هبوطك والا ايه
يلا منتظرة مشاركتك المطار امن عندنا وكل ميه ميه