صفحة من مذكرات الطفولة

تذكير بمساهمة فاتح الموضوع :

بسم الله الرحمن الرحيم
الاخوه الاعزاء اعضاء منتدى الكرنك بقدم لكم فكرة جديدة ويارب تنال اعجابكم جميعا وهى ان نتذكر حدث او حكاية مرت علينا واحنا اطفال وكان الحدث ده له دور كبير فى حياتنا ومازلنا نتذكره بكل تفاصيله
طبعا كلنا كنا اطفال وكل واحد له اكتر من حكاية بطلب من جميع الاعضاء المشاركة الفعالة على الاقل نعيش معه لحظة من مراحل عمرة والموضوع غير محدد بفترة زمنية معينة او قصة واحدة يعنى العضو يحكى لنا اكثر من موقف حدث له فى طفولتة والاعضاء كمان لهم الحق فى التعليق على تلك الاحداث بعيد عن النقض الجارح[center]

الطيار كتب:

انتظرونى انا راجع
استر يارب

صح فينك ياطيار هى السحابة البركانية معطلة هبوطك والا ايه
يلا منتظرة مشاركتك المطار امن عندنا وكل ميه ميه

feriel كتب:

مش باين عليك يا ماجد هذه العمايل

ماجد تتوقعى منه اى شئ اسئلى العبد لله هههههه
صاحب مقالب من الدرجة الاولى بس على اد كدة
فيه طيبه بتمحى مقالبه اللى ساعات بتعور وبتجيب دم

بقولك يافيرى انتى شكلك كدة لكى قصص وحكايات عن طفولتك ياريت بأه تحكى لنا حاجة
مش عايزة احس انكم كنته كلكم ملائكة يعنى مابتحصلش وماتخفيش حقوق النشر محفوظة لمنتدى الكرنك

Admin كتب:

feriel كتب:

مش باين عليك يا ماجد هذه العمايل

اهلا بحضرتك
الانسان مجموعه مراحل
ولكل مرحله لها طابع خاص ومفهوم مغاير
ولهذا بعد مرور الزم تتزكرى ما فعلتيه فنجدى نفسك غير مصدقه ما فعلتى
هذه كل الحكايه


مرور جميل معطر بورود الفل والياسمين
تحياتى
مع خالص شكرى وتمنياتى بالتوفيق

ههههههههههه
الكلمة دى بتعتى لو سمحت الانسان مجموعة مراحل
المرحلة الوردية والمرحلة السوداء والمرحلة الزرقاء
بس ماشاء الله شكلك اليومين دول فى المرحلة الوردية تاتش وود احسن احسدك والا حاجة
مش تقول علشان نبارك لك على تغير اللون
مش زى ناس اللون الازرق هو لونها الاساسى
اللهم مالاحسد

صباح الورد والفل والياسمين
يارب الكل يكون كدة كونتس خالص
انا شفت الموضوع دة ولاقيت نام كدة وماحدش عايزة يفتكر حاجة من مراحل عمره الجميلة والا مكسوف اللى واعلم .الموضوع مش علشان بتاعى بفتحه تانى كل الحكاية انى سعيدة جدا بسبب بسيط رجع لى الذاكرة 18 سنة للخلف وهى مرحلة التعليم الثانوى اللى بعتبرها أحمل مراحل عمرى واكيد عمرها ماحتكرر تانى !

المرحلة دى كنت فى قمة النضوج الفنى فى مجالات كتيرة منها اللى استمريت فية ومنها اللى تركته نهائى طبعا قبل مااكتب اى كلمة عن المرحلة دى حقول لكم سبب فتح الصفحة دى بحياتى . من يومين كنت جالسه امام التيلفزيون والريموت فى ايدى وفجأه عينى ماصدقتش اللى شفتة قدامى شفت مستر محمد مرسة مادة الرسم بالمدرسة وهو فى معرضة ومعه المذيعة وبتتكلم معة على اهم اعماله مهما اوصف لكم مدى سعادتى وانا بشوفة بعد16 سنة مرت من عمرى وكأن حدث بالامس القريب اكيد معالم الوجه تغيرت اصبح متقدم السن بشكل ملحوظ ولكن مازال كما هو باسلوبه الراقى وبرسوماته الرائعة الانسان دة انا بكن له كل الاحترام والتقدير هو من علمنى كيف عند امساكى بقلم اوريشة ان اندمج كليا مع الشئ اللى بصنعه بأيدى وان الرسم واى فن بيكون فيها الروح سابقة لليد انسان حب فنه وعرضة فى بلاد كثيرة وسافر ايطاليا والهند وفرنسا وكان بيعتبرنى تلميذة جيده وان احساسى الفنى مرتفع وهو اول من اهدانى ورق الكانسون والالوان الفحم وعلمنى رسم الظلال وتساقط الضوء لدرجة قلى ابدئى برسم نفسك فى المراه هههههههه صدق اللى قال الفنون جنون بس فن راقى جدا جدا وتعلمت منه الكثير والكثير وشجعنى وتعرف على ولدى وحاول ان اكمل دراستى فى نفس المجال ولكن اسرتى رفضت ان اضيع مستقبلى فى شويه شخبطة كان بيأخذ لوحتى ولوحات الموهبين ويعمل لهم قسم خاص بمعارضة ونزل اخبارنا فى مجلات بس لكونى بنت كان كل شئ فى اضيق الحدود كالعادة وبوفاة ولدى انقطعت العلاقة به نهائيا طبعا الاسباب معروفة والتقليد والعادات اللى تخنق ,المهم وانه بستمع له خطر فى بالى سؤال ياترى لسة فاكر تلاميدك يامستر محمد وكان الرد اقرب لمسامعى وهو بيعرضة لوحاتة واخرج لوحة لى كان قدرسمها فى غرفة الرسم واحتفظ بها ولما اتمامها حاولت ان أخذها منه رفض وحتى بصراحة ماكنتش عجبانى كان رسمنى بشكل متافض الابتسامة مع دمعه وقلت له ليه كدة ماانا على طول بضحك وعملة الفصل كله تهريج قال اللى على وجهك غير اللى داخلك وانا شايفك كدة وبكرة تبقى تفتكرى كلامى .الاجمل من ده كله ان تكلم مع صاحبة البرنامج عنى وقال دى صورة لطالبه عندى كنت شايف فيها صاحبة ريشة مميزة برغم سنها ولكن لااعلم شئ عنها الان

اد ايه ان الشئ الجميل والذكرى الجميلة بدوم مهما طال البعاد وتوالت السنين وان بتفتكر صاحبة دائما بالخير وبتكون صورته محفورة فى العقل والقلب من غير تشويه لها على عكس عند المرور على شئ سيئ بحياتك بتتناسى حتى تنسى ذلك الشئ ودى كانت قصتى مع مدرسة اللغة العربية فى نفس المدرسة بعدين احكى لكم عليها يكفنى الذكرى الطيبة الان !!!!!!